Programa

IV Jornadas de Análise para o Ensino Popular

Línguas de estado além do estado. 
Ensino e transmissom fora das fronteiras

Compostela, 24 e 25 de abril de 2015

 

 Entre as línguas minorizadas, também há classes. Muitas, a maioria, nom tenhem qualquer reconhecimento legal nengures, apesar de, às vezes, serem faladas em extensos territórios divididos por umha ou mais fronteiras estatais. Mas há outras poucas que, ocupando a posiçom mais fraca num determinado território, tenhem a seu favor o facto de serem línguas nacionais noutros Estados, quase sempre vizinhos e frequentemente poderosos. No processo de normalizaçom lingüística, este facto pode condicionar o comportamento das comunidades idiomáticas e acabar por ser determinante no resultado do mesmo. Nestas jornadas visitaremos estes últimos casos, partindo de línguas europeias que tenhem comunidades de falantes fora dos estados em que som línguas nacionais (espanhol, o italiano, o francês, alemám) e analisando o caso de outra que já tem um pequeno estado e que poderia vir a ter outro em parte do território em que é falada: o catalám. Todo para extrair conclusons em relaçom à Galiza, cuja identidade lusófona nom é pacífica, mas onde parece provável que a relaçom que estabeleça com os Estados de língua portuguesa poderá determinarar o desfecho do conflito lingüístico.

PROGRAMA:

SEXTA 24 de abril

• 18h30 (no C.S. O Pichel)

Entrega de documentaçom

• 19h00-21h00 (no C.S. O Pichel)

MESA REDONDA: o espanhol, o alemám e o italiano fora das suas fronteiras. Situaçom nos EEUU e na Europa

Carlos Garrido (Faculdade de Filologia e Traduçom da Universidade de Vigo)

Renée DePalma (Departamento de Pedagogia e Didáctica da Fac. de Ciências da Educaçom da UdC)

Luís Xuncal (Departamento de Italiano da EOI de Compostela)

Abordaremos a situaçom do alemám e o italiano nos Estados em que é falado na Europa, nomeadamente fora da Alemanha e da Itália. Quanto ao espanhol, trataremos o caso da comunidade hispanófona dos EUA.
 

SÁBADO 25 de abril

• 10h00-10h30

Recepçom e visita livre à Semente

• 10h30-11h30

Visita guiada à Semente

Marta Santos (Psicopedagoga e professora de educaçom infantil e primária. Fundadora da Semente-Compostela)

 O projeto educativo da Semente é talvez o primeiro que tenta superar a visom do galego como língua minoritária, considerando a sua dimensom internacional e aproveitando recursos proporcionados por outros Estados. Marta Santos, mae e umha das fundadoras da escola em Compostela, guia-nos polas suas instalaçons.

• 11h30: Pausa

• 12h00-13h30 (na Semente)

Recursos lusófonos para normalizar na escola. Casos práticos

Iolanda Aldrei (Professora no CPI de Vedra)

Séchu Sende (Professor no IES de Vila de Cruzes)

A opçom de usar recursos proporcionados polos países de língua portuguesa nom há de ser exclusivo de projetos como a Semente. Séchu Sende e Iolanda Aldrei mostram-nos a utilidade dos mesmos noutros contextos educativos.

• 17h00-18h30 (no C.S. O Pichel)

Goliat contra Goliat. O ensino do espanhol e o francês em Porto Rico e Quebeque.

Raquel Paz (Departamento de francês da EOI de Compostela)

Maurício Castro (Departamento de Português da EOI de Ferrol)

Goliat contra Goliat ou como o castelhano e o francês se tornaram línguas minorizadas no Quebec e em Porto Rico. Analisaremos as políticas linguísticas ligadas ao ensino nesses espaços.

• 18h30: Pausa

• 19h00-20h30 (no C.S. O Pichel)

Plurilingüismo e ensino no novo estado catalám

Eduard del Castillo Velasco (Professor, escritor, tradutor)

Andratx Badia (Leitor de Catalám na USC)

Na última mesa redonda abordaremos como pode mudar a situaçom da língua catalá num eventual novo Estado para a Catalunha, tanto dentro como fora das fronteiras do mesmo.

• 21h00

petiscos

• 22h00

concerto de fado em comemoraçom do 25 de abril

com FALUA

E aproveitando que as nossas jornadas deste ano acabam no dia 25 de abril, elas nom podiam acabar sem música portuguesa, interpretada por umha das poucas bandas que toca e canta fado na Galiza: Falua